გიორგი ვოლსკი იაპონიის გადაწყვეტილებაზე „უცხოური აგენტების რეგისტრაციის სისტემის“ შემოღებასთან დაკავშირებით: რა საკვირველია, არავის მოსვლია აზრად, რომ იაპონიას პრორუსულობა დააბრალოს ან რუსული კანონების მიღება. აქედან გამომდინარე დავფიქრდეთ, რას ნიშნავს საქართველოს წინააღმდეგ განხორციელებული შეტევა. რამდენად პოლიტიკურად ანგაჟირებულია და რა მიზნებს ემსახურება
რა საკვირველია, არავის მოსვლია აზრად, რომ იაპონიას პრორუსულობა დააბრალოს ან რუსული კანონების მიღება. აქედან გამომდინარე დავფიქრდეთ, რას ნიშნავს საქართველოს წინააღმდეგ განხორციელებული შეტევა. რამდენად პოლიტიკურად ანგაჟირებულია და რა მიზნებს ემსახურება, - განაცხადა პარლამენტის პირველმა ვიცე-სპიკერმა იაპონიის ხელისუფლების გადაწყვეტილებაზე, რომელიც „უცხოური აგენტების რეგისტრაციის სისტემის“ შემოღებას უკავშირდება.
მისი თქმით, საქართველოს ამ მიმართულებით ცუდი გამოცდილება აქვს.
„ჩვენ ძალიან ცუდი გამოცდილება დაგვიგროვდა, ვინაიდან ყველანაირი საბუთი წარმოვადგინეთ იმასთან დაკავშირებით, რომ შემოსული თანხები ხმარდებოდა ექსტრემიზმის განვითარებას. დღეს მსოფლიო აღმოჩნდა სერიოზული გამოწვევების წინაშე და იაპონიის მაგალითი კიდევ ერთია სხვა მაგალითთა შორის თუ როგორ იცავენ ქვეყნები საკუთარ თავს, უსაფრთხოებას, სტაბილურობას. რა საკვირველია, არავის მოსვლია აზრად, რომ იაპონიას პრორუსულობა დააბრალოს ან რუსული კანონების მიღება. აქედან გამომდინარე დავფიქრდეთ, რას ნიშნავს საქართველოს წინააღმდეგ განხორციელებული ასეთი შეტევა. რამდენად პოლიტიკურად ანგაჟირებულია და რა მიზნებს ემსახურება“, - განაცხადა გიორგი ვოლსკიმ.
იაპონიის ხელისუფლება ახალ საკანონმდებლო ინიციატივაზე მუშაობს, რომელიც ქვეყანაში „უცხოური აგენტების რეგისტრაციის სისტემის“ შემოღებას ითვალისწინებს. პროექტი მიზნად ისახავს იმ ფიზიკური თუ იურიდიული პირების საქმიანობის გამჭვირვალობის გაზრდას, რომლებიც უცხოური სახელმწიფოების დავალებით ან კონტრაქტით ეწევიან საქმიანობას. ახალი ჩარჩო ძირითადად შეეხება პოლიტიკურ კონსულტანტებს, კვლევით ინსტიტუტებსა და სარეკლამო სააგენტოებს. ამასთანავე, დიდი ბრიტანეთის ანალოგიური მოდელის მსგავსად, რეგულაციებში შესაძლოა მოჰყვეს სოციალური მედიის აქტივობებიც.