ნორვეგიის პრემიერი: არ ვფიქრობ, მოვლენები რუსეთის სრული დამარცხებისკენ მიდის

არ ვფიქრობ, რომ მოვლენები რუსეთის სრული დამარცხებისკენ მიდის, – ამის შესახებ ნორვეგიის პრემიერ-მინისტრმა, იონას გარ სტორემ განაცხადა.

ნორვეგიის მთავრობის ხელმძღვანელის თქმით, დანიის პრემიერ-მინისტრი მეტე ფრედერიქსენი ყოველთვის ეწინააღმდეგებოდა რუსეთთან საუბარს.

„ჩვენ მკაფიოდ განვაცხადეთ, რომ ეს ნორვეგიისა და ფინეთის სახელით კეთდება, თუმცა ვიცით, რომ ამ საკითხზე განსხვავებული მოსაზრებები არსებობს. მეტე ფრედერიქსენი ყოველთვის ეწინააღმდეგებოდა რუსეთთან საუბარს და მათთან ნებისმიერი სახის კონტაქტს. ეს გასაგებია, თუ გავითვალისწინებთ, რომ ჩვენ ვემიჯნებით რუსეთის ქმედებებს. მიიღებს თუ არა ჩვენი პოზიცია უფრო ფართო მხარდაჭერას — არ ვიცი. ეს იმ შემთხვევაში მოხდებოდა, თუ გვჯერა, რომ მოვლენები რუსეთის სრული დამარცხებისკენ მიდის. თუმცა, არ მგონია, რომ ვითარება ამისკენ მიუთითებდეს. ამიტომ, უნდა გამოვიყენოთ შესაძლებლობა — რასაც თავად უკრაინაც ესწრაფვის — და ჩვენი პოზიცია გავაჟღეროთ, რათა დიპლომატიური პროცესი დაიწყოს“, – აღნიშნა ნორვეგიის პრემიერ-მინისტრმა.