ვოლოდიმირ ზელენსკი: მე არაერთხელ მითქვამს, უკრაინა უკან არ იხევს და თავის მიწებს ტერორისტებს არ დაუთმობს

უკრაინის პრეზიდენტმა, ვოლოდიმირ ზელენსკიმ განაცხადა, რომ მოლაპარაკებებზე ამერიკულმა მხარემ უკრაინას ჰკითხა, მზად იქნებოდა თუ არა ნატო-ში გაწევრიანების სანაცვლოდ დონბასის ნაწილიდან ჯარების გაყვანისთვის.

„არაერთხელ მითქვამს: უკრაინა უკან არ იხევს და თავის მიწებს ტერორისტებს არ დაუთმობს. ამერიკელებმა იკითხეს: „თუ უკრაინა ნატოში შევა, დონბასიდან გავა?” ეს პირველად იყო. პარტნიორებთან ერთად ვმუშაობთ უსაფრთხოების ისეთ კომპლექსურ პაკეტზე, რომელიც მოლაპარაკებებისას შეიძლება შემოგვთავაზონ: ნატო-სა და ევროკავშირის კონკრეტული უსაფრთხოების გარანტიები, ძლიერი უკრაინული არმია, ანუ სათანადო რაოდენობის ჯარისკაცები, იარაღი და გარკვეული ვადით ფინანსური დახმარება, ასევე, აღდგენის გეგმა“, – განუცხადა ზელენსკიმ ჟურნალისტებს.

მისივე თქმით, თუ ამერიკული მხარე ამას ნატო-ს სხვა წევრებთან ერთად დაადასტურებს, მაშინ ის საზოგადოებას ჰკითხავს, მიიღოს თუ არა ეს წინადადება.