ირაკლი კაკაბაძეს და ქეთი დევდარიანს შორის დაპირისპირება გრძელდება: „რომელი პარტიის გგონია შენ საპნის ოპერა? ეგრე ვფიქრობ შენს შემოქმედებაზე - „ჩემი ცოლის დაქალებზე“

მწერალ ირაკლი კაკაბაძესა და სცენარისტ ქეთი დევდარიანს შორის დაპირისპირება გრძელდება.

დაპირისპირება კი იაგო ხვიჩიას გადაცემაში „საქართველოს დაბადება“ ირაკლი კაკაბაძის სტუმრობას მოჰყვა, სადაც მწერალმა თქვა, რომ ქეთი დევდარიანი უნიჭო, ვითომ სასაცილო სი@ობებს დგამს.

კაკაბაძის ამ განცხადებას, სოციალურ ქსელში უპასუხა დევდარიანმა: „ამით გული მოფხანე ქოცებს?“ რასაც კაკაბაძის პასუხი მოჰყვა, რომ ის მის შემოქმედებაზე - „ჩემი ცოლის დაქალები“, სწორედ ასე ფიქრობს.

„არ გეწყინოს, მაგრამ შენს შემოქმედებაზე მაგ აზრის ვარ. რომელი პარტიის გგონია შენ საპნის ოპერა? ეს ამოჭრილია კონტექსტიდან, მაგრამ ეგრე ვფიქრობ „ცოლის დაქალებზე“. გამიხარდება თუ არ ვიფიქრებ. ისე, ყველა საპნის ოპერაზე მაგას ვფიქრობ. გული არ დაგწყდეს, მარტო არ ხარ. ისე, რაცხა მართლა წამომცდა. ნამდვილად ეგრე ვფიქრობ ყველა საპნის ოპერაზე. უბრალოდ შენ და უცნობი მაინც არ უნდა გახსენოთ ხოლმე. მაინც ახლობლების ახლობლები ხართ“, -წერს კაკაბაძე.

ქეთი დევდარიანმა კი უპასუხა: „წყენით არ მწყინს, არ გაქვს მაგხელა როლი ჩემს ცხოვრებაში, უბრალოდ, ამ კვირის ჩემზე ისტერიულ შემოტევაში ჰარმონიულად ჩაჯექი და მეთქი, ამას რაღაში გავახსენდი“.