სალომე სამადაშვილი: ქოცმედია 2022 წლის გამოსვლას ატრიალებს, რომელშიც უკრაინის პოლიტიკურ მხარდაჭერას მოვითხოვ, პაპუაშვილმა თავადვე აღიარა, რომ მოიტყუა, მასთან მეომრების გაგზავნაზე საუბარი არ ყოფილა
პაპუაშვილმა თავადვე აღიარა, რომ გუშინ მოიტყუა, არავითარ საუბარი არ ყოფილა მასთან არანაირი მეომრების გაგზავნაზე, – ამის შესახებ „ლელო – ძლიერი საქართველოს“ წევრი სალომე სამადაშვილი სოციალურ ქსელში წერს.
მისივე თქმით, 2022 წლის გამოსვლაში უკრაინის პოლიტიკურ მხარდაჭერას მოითხოვს.
„ქოცმედია ჩემს 2022 წლის გამოსვლას ატრიალებს, რომელშიც უკრაინის პოლიტიკურ მხარდაჭერას მოვითხოვ. შეგახსენებთ, ომის დაწყებისთანავე „ქოცებმა“ ძალიან ნათელი გახადეს, რომ კიევის დაცემას მოუთმენლად ელოდებოდნენ. 5 წელია, ელოდებიან ამ დღეს, პუტინთან ერთად. გამოსვლაში ასევე ვეკითხები ხელისუფლებას, რატომ აცხადებს უკრაინა, რომ ხელს უშლიან საქართველოდან სამედიცინო პერსონალს უკრაინაში ჩასვლაში. ვიდრე ყაველაშვილი დედის გინებით სხდომის ჩაშლას ცდილობს, მოვითხოვ, ღარიბაშვილმა თქვას, აპირებს თუ არა განცხადებას, რომ მისი ხელისუფლება დაიცავს საქართველოს, ჩვენს წინააღმდეგ აგრესიის შემთხვევაში. ეს გამოსვლა არის თურმე სამხილი, რომ „ლელო“ ჯარის გაგზავნას მოითხოვდა უკრაინაში.
წილოსანი რომ ამას ამბობს, არაა გასაოცარი, IQ ტესტირების ფაზაზე დაახარვეზეს, სავარაუდოდ, სამსახურში მოწყობა რომ სცადა, სადმე, ოჯახური ბიზნესის გარდა. ის შეიძლება გულწრფელიცაა, რადგან აზრი ვერ გამოაქვს, ვერც წაკითხულიდან, ვერც მოსმენილიდან.
აი, პაპუაშვილმა კი, თავადვე აღიარა დღეს, რომ გუშინ მოიტყუა, არავითარ საუბარი არ ყოფილა მასთან არანაირი მეომრების გაგზავნაზე. ბოლოს კი, ერთი შეკითხვა მაქვს ქოცებთან, ეს გმირი ღარიბაშვილი, ქვეყანა ბეწვზე რომ გადაარჩინა ომში ჩართვას, ვიდრე ოპოზიცია „ომს“ მოითხოვდა, ციხეში რატომ ჩააგდეთ, თან დიდი ხნით? ომი გინდათ?“, – წერს სამადაშვილი.



