ალის ვაიდელი: ჩვენ შევაჩერებთ უკრაინის ფინანსურ დახმარებას და ომის ყოველგვარ მხარდაჭერას. უკრაინელები, განსაკუთრებით ახალგაზრდები, ვალდებულები არიან სამშობლოში დაბრუნდნენ

გერმანული ულტრამემარჯვენე პარტია „ალტერნატივა გერმანიისთვის“ ლიდერი აცხადებს, რომ უკრაინის დახმარება და ომის მხარდაჭერა უნდა შეწყდეს. ალის ვაიდელმა ისიც თქვა, რომ გერმანიაში მყოფი, განსაკუთრებით კი წვევამდელი ასაკის უკრაინელები სამშობლოში უნდა დაბრუნდნენ.

„ჩვენ შევაჩერებთ უკრაინის ფინანსურ დახმარებას და ომის ყოველგვარ მხარდაჭერას. ასევე, სოლიდურ მოთხოვნას წავუყენებთ უკრაინას თანხების დაბრუნებაზე. მილიონზე მეტი უკრაინელი გერმანიაში სოციალურ დახმარებას იღებს. ეს წარმოუდგენელია. საქმე ეხება ექვსციფრიან რიცხვებს. უკრაინელები, განსაკუთრებით ახალგაზრდები, ვალდებულები არიან სამშობლოში დაბრუნდნენ“, - აცხადებს ვაიდელი.