ალექსანდრ სტუბი – უკრაინის არმია არის ბუფერული ზონა და შემაკავებელი ფაქტორი რუსული აგრესიის პოტენციალის წინააღმდეგ
უკრაინის არმია არის ბუფერული ზონა და დაბრკოლება რუსული აგრესიის პოტენციალისთვის, – ამის შესახებ ფინეთის პრეზიდენტმა, ალექსანდრ სტუბმა განაცხადა.
ფინეთის პრეზიდენტის განცხადებით, უკრაინის არმია ევროპაში საუკეთესოა.
„ხალხმა სერიოზულად უნდა დაიწყოს ფიქრი იმაზე, რა იქნება მომავალში ევროპის უსაფრთხოების ერთ-ერთი უმთავრესი გარანტია. ჩემი აზრით, ეს უკრაინის შეიარაღებული ძალებია. დღეს ევროპაში ეს ყველაზე თანამედროვე სამხედრო ძალაა. ის წარმოადგენს ბუფერულ ზონას და შემაკავებელ ფაქტორს რუსული აგრესიის პოტენციალის წინააღმდეგ“, – აღნიშნა ალექსანდრ სტუბმა.