ირანი აშშ-სა და ისრაელს აფრთხილებს, რომ ხამენეის დაკრძალვის სამგლოვიარო მსვლელობების წინ თავდასხმები არ განახორციელონ

ირანის უმაღლესმა სამხედრო მეთაურმა, შეერთებული შტატები და ისრაელი გააფრთხილა, რომ უზენაესი ლიდერის, აიათოლა ალი ხამენეის სახელმწიფო დაკრძალვის წინა პერიოდში, ირანზე თავდასხმები არ განახორციელონ. ინფორმაციას Reuters-ი ავრცელებს.

ხათამ ალ-ანბიას ცენტრალური სარდლობის მეთაურის, ალი აბდოლაჰის თქმით, წინააღმდეგ შემთხვევაში, მათი ქვეყნის წინააღმდეგ მიმართულ ნებისმიერ არტერიაზე მკაცრი პასუხი ექნებათ.

„ჩვენ ვაფრთხილებთ ირანის მტრებს, განსაკუთრებით აშშ-ს და სიონისტურ რეჟიმს (ისრაელს), თავი აარიდონ ნებისმიერ შეცდომას და დაფიქრდნენ იმ მკაცრ პასუხზე, რომელსაც ჩვენი შეიარაღებული ძალები მიიღებენ, ჩვენი ქვეყნის წინააღმდეგ მიმართულ ნებისმიერ საფრთხესა და აგრესიაზე“, - განაცხადა ხათამ ალ-ანბიას ცენტრალური სარდლობის მეთაურმა, ალი აბდოლაჰიმ.

ცნობისთვის, ხამენეის დაკრძალვის პროცესია 4 ივლისს თეირანში დაიწყება და 9 ივლისს, მის მშობლიურ ქალაქ მაშჰადში დაკრძალვით დასრულდება. ამ თარიღებს შორის პერიოდში, დამატებითი ცერემონიები ყუმსა და ერაყში იგეგმება.