შემოსავლების სამსახურში მიმდინარე სიახლეებს გადასახადის გადამხდელები ონლაინ ფორმატში გაეცნენ

ფინანსთა სამინისტროს შემოსავლების სამსახურის მეთოდოლოგიის დეპარტამენტების წარმომადგენლებმა, გადასახადის გადამხდელებს საგადასახადო მიმართულებით განხორციელებული სიახლეები ონლაინ ფორმატში გააცნეს.

აღნიშნულ შეხვედრას 150-მდე დაინტერესებული პირი ესწრებოდა, რომლის ფარგლებშიც მხარეებმა შემდეგი საკითხები განიხილეს :

ფინანსთა მინისტრის 2026 წლის 14 მაისის N142 საჯარო გადაწყვეტილება - სახელმწიფოს მიერ განხორციელებული და მხარდაჭერილი ცალკეული ოპერაციების დღგ-ით დაბეგვრის საკითხების შესახებ;

ფინანსთა მინისტრის 2026 წლის 14 მაისის N143 საჯარო გადაწყვეტილება - „ფიზიკური პირის მიერ აქტივის მიწოდების შედეგად მიღებული შემოსავლის საშემოსავლო გადასახადით დაბეგვრის საკითხებზე“; 

ფინანსთა მინისტრის 2026 წლის 18 მაისის N147 საჯარო გადაწყვეტილება „გაცვლის ბარტერული ოპერაციის დღგ-ით დაბეგვრის თაობაზე, ამ ოპერაციის ფარგლებში უძრავი ნივთის მიწოდებისას“ საქართველოს ფინანსთა მინისტრის 2024 წლის 7 ივნისის N195 საჯარო გადაწყვეტილებაში ცვლილების შეტანის შესახებ;

დღგ-ს ჩათვლა/პროპორციული ჩათვლა;

პირის მიერ, საწარმოს წილის სანაცვლოდ აქტივების გადაცემის და საწარმოს ლიკვიდაციისას, კაპიტალის შემცირებისას, ან აქციის/წილის გამოსყიდვისას, პარტნიორზე ნატურალური ფორმით განხორციელებული განაცემის დაბეგვრა;

საერთაშორისო კომპანიის სტატუსის მინიჭება, ნებადართული საქმიანობის განსაზღვრა;

დასკვნით ნაწილში შეხვედრის მონაწილეებს შესაძლებლობა ჰქონდათ, მათთვის საინტერესო კითხვებზე ამომწურავი პასუხები მიეღოთ. შემოსავლების სამსახურის ვებგვერდზე არსებული ელექტრონული პორტალის - https://www.rs.ge/Meetingsspace 

 ,,შეხვედრების სივრცე" დახმარებით, მიზნობრივ ჯგუფებთან შეხვედრები, მომავალშიც გაგრძელდება.