ეროვნული სატყეო სააგენტოს თანამშრომლების მიერ, ცხრა თვის განმავლობაში ხე-ტყის უკანონო მოპოვების 505 ფაქტია გამოვლენილი
ეროვნული სატყეო სააგენტოს თანამშრომლების მიერ, ცხრა თვის განმავლობაში ხე-ტყის უკანონო მოპოვების 505 ფაქტია გამოვლენილი.
მიმდინარე წლის სექტემბრის თვეში კი, სამართალდარღვევის 42 ფაქტია აღრიცხული, საიდანაც 41 ფაქტი ხე-ტყის უკანონო მოპოვებას, მათ შორის ტრანსპორტირებას უკავშირდება. ასევე იმერეთის რეგიონში გამოვლენილია სახელმწიფო ტყის თვითნებურად დაკავების 1 ფაქტი.
სექტემბრის თვეში ჯამში ამოღებულია უკანონოდ მოპოვებული სხვადასხვა სახეობის 82 კუბურ მეტრამდე საშეშე და სამასალე მერქანი, რომელიც შემდგომი განკარგვის მიზნით, სატყეო სააგენტოს „საქმიან ეზოებში“ დასაწყობდა.