ზურაბ სიჭინავა: 7-8 სექტემბერს ქალაქ ბათუმში საერთაშორისო საზღვაო ფორუმი ჩატარდება, სადაც ანაკლიის შესახებ დეტალური პრეზენტაცია გაიმართება
7-8 სექტემბერს ქალაქ ბათუმში საერთაშორისო საზღვაო ფორუმი ჩატარდება, რომლის ფარგლებშიც ანაკლიის შესახებ დეტალური პრეზენტაცია გაიმართება, - განაცხადა შპს „ანაკლიის საზღვაო ნავსადგურის“ დირექტორმა, ზურაბ სიჭინავამ.
მისივე თქმით, ამ ფორუმზე განიხილება ყველა ინფრასტრუქტურული პროექტი, რაც შავ ზღვაში მიმდინარეობს.
„მთავარი აქცენტი გაკეთდება ანაკლიაზე და ჩვენ ამ პრეზენტაციის საშუალებით მოგვეცემა შესაძლებლობა, ავუხსნათ ფორუმში მონაწილე ქვეყნების წარმომადგენლებს, თუ როგორი იქნება ანაკლიის პორტი, რა შესაძლებლობები ექნება და როგორ განვითარდება.
დეტალური გეგმა-გრაფიკის შესახებ მოვამზადებთ პრეზენტაციას, ეს არის მნიშვნელოვანი შესაძლებლობა ანაკლიის როლის წარმოჩენისთვის საერთაშორისო საზღვაო რუკაზე“ - აღნიშნა ზურაბ სიჭინავამ.