ტრამპი: უამრავი ევროპული ქვეყანა განიხილავს ამერიკულ კომპანიებზე ციფრული მომსახურების გადასახადის დაწესებას - გთხოვთ, ეს განცხადება მიიღოთ როგორც გაფრთხილება, რომ ნებისმიერ ქვეყანას, რომელიც დააწესებს მსგავს გადასახადს, დაუყოვნებლივ დაუწესდება 100%-იანი ტარიფი

აშშ-ის პრეზიდენტმა, დონალდ ტრამპმა სოციალურ ქსელში მკაცრი გაფრთხილება გაავრცელა იმ ევროპული ქვეყნების მისამართით, რომლებიც ამერიკული კომპანიებისთვის ციფრული მომსახურების გადასახადის დაწესებას გეგმავენ.

პრეზიდენტის განცხადებით, ნებისმიერი სახელმწიფო, რომელიც ამ ნაბიჯს გადადგამს, ვაშინგტონის მხრიდან უმკაცრეს ეკონომიკურ პასუხს მიიღებს.

„უამრავი ევროპული ქვეყანა განიხილავს ამერიკულ კომპანიებზე ციფრული მომსახურების გადასახადის დაწესებას. ზოგიერთი მათგანი უკვე ძალიან ახლოსაა ამის რეალურად განხორციელებასთან. გთხოვთ, ეს განცხადება მიიღოთ როგორც გაფრთხილება, რომ ნებისმიერ ქვეყანას, რომელიც დააწესებს მსგავს გადასახადს, დაუყოვნებლივ დაუწესდება 100%-იანი ტარიფი ნებისმიერ და ყველა იმ საქონელზე, რომელიც იგზავნება აშშ-ში. ეს ტარიფი გადაფარავს ამ ქვეყანასთან დადებულ სავაჭრო შეთანხმებებს, მიუხედავად იმისა, ისინი უკვე ამოქმედებულია, ხელმოწერილია თუ არა. გარდა ამისა, 100%-იანი ტარიფი დაუყოვნებლივ დაწესდება, თუ ისინი ამ გზით წავლენ“, - დასძინა მან.