შალვა გაჩეჩილაძემ საერთაშორისო საცხენოსნო ტურნირის პირველ დღეს ოქროს მედალი მოიპოვა

შალვა გაჩეჩილაძემ საერთაშორისო საცხენოსნო ტურნირის პირველ დღეს ოქროს მედალი მოიპოვა. ინფორმაციას საქართველოს სპორტის სამინისტრო ავრცელებს. 

ბელგიის ქალაქ ვუსტვეზელში საერთაშორისო საცხენოსნო ტურნირი - CSI3 Jumping Wuustwezel მიმდინარეობს.

ქართველი მხედარი შალვა გაჩეჩილაძე და მისი ცხენი „ლამბადა“ გახსნის დღის შეჯიბრების გამარჯვებულებია.

ტურნირში 37 ქვეყნის 237 ცხენისა და მხედრის წყვილი მონაწილეობს.

საცხენოსნო ტურნირი 24 ივნისს დაიწყო და 28 ივნისს დასრულდება.