საქართველოს 17 წლამდე მოკრივეთა ნაკრებმა ევროპის ჩემპიონატზე ასპარეზობა ოთხი მედლით დაასრულა
მონტენეგროს ქალაქ ბუდვაში კრივის ევროპის ჩემპიონატი გაიმართა.
საქართველოს სპორტის სამინისტროს ინფორმაციით, ევროპის პირველობაზე საქართველოს მოკრივეთა ნაკრები მონაწილეობდა. ქართველმა მოკრივეებმა ტურნირზე ოთხი მედალი მოიპოვეს: ერთი ოქროსა და სამი ბრინჯაოსი.
17 წლამდე მოკრივეთა შორის ევროპის ჩემპიონობა ნიკოლოზ ხიზანიშვილმა (63 კგ) იზეიმა, ბრინჯაოს მედლები კი მათე ვოლოშინმა (57 კგ), ანასტასია ჩოკორაიამ (60 კგ) და ლიზა ლობჟანიძემ (70 კგ) დაიმსახურეს.