კოლუმბიის საპრეზიდენტო არჩევნებში ულტრამემარჯვენე აბელარდო დე ლა ესპრიელია იმარჯვებს

ულტრამემარჯვენე ბიზნესმენი აბელარდო დე ლა ესპრიელია ​კოლუმბიის საპრეზიდენტო არჩევნების მეორე ტურში იმარჯვებს.

თითქმის ყველა ბიულეტენის დათვლის შედეგად მიღებული წინასწარი მონაცემებით, დე ლა ესპრიელია ხმების 49,7%-ს აგროვებს. მისი მეტოქე, მმართველი მემარცხენე პარტია „ისტორიული პაქტის“ კანდიდატი ივან სეპედა, მას დაახლოებით 246 000 ხმით ჩამორჩება - მას ამომრჩეველთა 48,7%-მა დაუჭირა მხარი.

გამარჯვებული 7 აგვისტოს პოსტზე შეცვლის მემარცხენე პრეზიდენტ გუსტავო პეტროს, რომელსაც მეორე ვადით კენჭისყრის უფლება არ ჰქონდა. სეპედას მარცხი არ უღიარებია და განაცხადა, რომ ოფიციალურ შედეგებს დაელოდება.